جاپان کی ایک معروف کمپنی نے کھیتوں کی حفاظت کرنے والا ایسا ڈرون تیار کیا ہے جو عین اسی مقام پر کیڑے مار دوا چھڑکتا ہے جہاں اس کی ضرورت ہوتی ہے۔
جاپان کا تیارکردہ یہ جدید ڈرون فصل کی نگرانی میں وہ جگہیں بھی ڈھونڈ نکالتا ہے جہاں انسان کی نظرنہیں پہنچ پاتی۔ اس میں نصب تھرمل کیمرے رات کی تاریکی میں بھی فصل دشمن کیڑوں کو بھانپ کر ان کا خاتمہ کرتے ہیں۔
ڈرون اپنے تھرمل کیمرہ سے اندھیرے میں 50 سے زائد مختلف کیڑے مکوڑوں کو پہچان سکتا ہے۔ تجرباتی طورپراسے آلو اورسویابین کی فصلوں پرآزمایا گیا جس کے اچھے نتائج برآمد ہوئے ہیں اور انسانی مداخلت کے بغیر فصل دشمن کیڑوں کا صفایا کیا گیا ہے
