اس ٹیسٹ میں انسانی ہاتھ جتنے بڑے کاغذی کارڈ استعمال کیے جاتے ہیں۔ اگر مریض زیکا سے متاثر ہو تو کارڈ کا رنگ تبدیل ہو جاتا ہے۔
زیکا وائرس کی وبا ایک سال قبل کرہ ارض کے مغرب میں واقع ممالک سے شروع ہوئی تھی۔ اب 57 سے زائد ممالک اور علاقے زیکا سے متاثرہ افراد کے کیس رپورٹ کر رہے ہیں جن کی اکثریت وائرس والے مچھروں کے کاٹنے سے متاثر ہوئی۔
متعدد ممالک نے ایسے کیس بھی رپورٹ کیے ہیں جو بظاہر جنسی تعلق سے پھیلے۔
عالمی ادارہ صحت کا کہنا ہے کہ سائنسدان اس بات پر متفق ہیں کہ زیکا وائرس چھوٹے سر والے بچوں کی پیدائش اور ایک اعصابی نقص کا موجب ہے۔
ایبولا وائرس کی تشخیص کا طریقہ دریافت کرنے والے تحقیق کاروں نے خون، پیشاب اور تھوک سے زیکا وائرس کی تشخیص کا طریقہ ایجاد کیا ہے۔
اگر مریض زیکا سے متاثر ہو تو کارڈ کا رنگ تبدیل ہو جاتا ہے جسے آسانی سے دیکھا جا سکتا ہے اور ٹیسٹ کو مکمل ہونے میں صرف 30 منٹ درکار ہوتے ہیں۔
زیکا کی روک تھام کے لیے ابھی ویکسین دستیاب نہیں مگر اس کی تیاری کے لیے تحقیق جاری ہے جس پر کئی سال لگ سکتے ہیں۔
