شدت پسند تنظیم داعش کی جانب سے جاری کی گئی نئی ویڈیو میں امریکی شہر سان فرانسسکو اور لاس ویگاس کو نشانہ بنانے کی دھمکی دی گئی ہے۔
ویڈیو میں سان فرانسسکو کا گولڈن گیٹ برج اور لاس ویگاس کی مشہور مرکزی شاہراہ دکھائی گئی ہے۔
داعش کے شدت پسند اس ویڈیو میں اورلینڈ کے نائٹ کلب میں فائرنگ کرکے 49 افراد کو قتل کرنے والے عمر متین کو بھی سراہتے نظر آئے ہیں۔
امکان ظاہر کیا جارہا ہے کہ اس ویڈیو کو داعش کے شدت پسندوں نے عراق کے شہر موصل میں تیار کرکے جاری کیا ہے۔
اس ویڈیو میں سان فرانسسکو کی پائن سٹریٹ اور پاول سٹریٹ بھی دکھائی گئی ہیں۔
نائن الیون حملوں کے بعد سے شدت پسند کئی بار سان فرانسسکو اور گولڈن گیٹ برج کو نشانہ بنانے کی ویڈیوز جاری کرچکے ہیں۔
