چاپان ہو یا امریکہ ، کوریا ہو یا پاکستان دنیا بھر کی اسٹاک مارکیٹس میں بھونچال آگیا
امریکی ڈاو جونز اسٹاک میں 707 پوا ئنٹس کمی ، جاپان کا نکئی انڈیکس 1263 پوائنٹس گرا جبکہ بھارت کی ممبئی اسٹاک مارکیٹ اور پاکستان اسٹاک ایکسچینج بھی ٹریڈنگ کے آغاز پر ہی ہزار پوائنٹس گنوا بیٹھی۔
نہ صرف حصص بازار بلکہ دیگر ممالک کی کرنسیاں بھی برطانیہ کے یورپی یونین سے علیحدگی کے فیصلے سے اپنے آپ کو سنبھال نہ سکیں ۔
یورو 3.3فیصد کمی سے ڈالر کے مقابلے 30 سال کی کم ترین سطح پر آگیا۔
اس کے علاوہ انٹربینک میں روپے کی قدر بھی گھٹی اور ڈالر 13 پیسے مہنگا ہوکر 104 روپے 85 پیسے کا ہوگیا
اسی ہلچل میں سرمایاکاروں کو صرف سونا پرکشش نظر آیا جو 8 فیصد مہنگا ہوکر 1358 ڈالر فی اونس کی سطح پر آگیا
دوسری جانب خام تیل عالمی سطح پر 5 فیصد کمی سے 47 ڈالر فی بیرل جبکہ کوپر ، الیمونیم اور دیگر مختلف دھاتوں کی بین الاقوامی قیمتیں بھی گراوٹ کا شکار ہوئیں