امریکی کانگریس میں ڈیموکریٹ پارٹی کے ارکان نےدھرنا دے دیا ہے۔ سو سے زا ئد اراکین نے اس وقت تک ایوانِ نمائندگان سے نکلنے سے انکار کر دیا ہے جب تک آتشیں اسلحے پر کنٹرول کا قانون منظور نہ ہو جائے۔قانون ساز احتجاج کرتے ہوئے مطالبہ کر رہے ہیں کہ مشتبہ دہشت گردوں کو اسلحے کی فروخت روکنے کے لیے ان کے پسِ منظر کی وسیع تر چھان بین کی جائے۔کانگریس میں رپبلکن پارٹی کو اکثریت حاصل ہے اسی ماہ فلوریڈا کے شہر اورلینڈو میں ایک نائٹ کلب میں ایک حملہ آور نے 49 افراد کو فائرنگ کر کے قتل کر دیا تھا۔