برطانیہ میں ریفرنڈم جہاں حکمران جماعت کے لئے مشکلات لے کر آیا وہیں اپوزیشن جماعت لیبرپارٹی بھی لرز کر رہ گئی ہے۔
اپوزیشن لیڈر جرمی کاربین نے ’’تختہ الٹنے‘‘ کی منصوبہ بندی کے الزام میں پارٹی رکن ہلیری بین کو اپنی شیڈو کابینہ سے نکال باہر کیا۔
بغاوت کی لہر کچلنے کا فیصلہ جرمی کو مہنگا پڑا اور شیڈو کیبنٹ کے آٹھ وزرا مستعفی ہوگئے ہیں۔
برطانوی میڈیا کے مطابق تقریباً نصف شیڈو کابینہ آج مستعفی ہوسکتی ہے۔
ادھر یورپی یونین چھوڑنے کے فیصلے پر دوسرا ریفرنڈم کرنے کے مطالبات بھی زور پکڑ گئے ہیں۔