بھارت کا گوگل سٹریٹ ویو کو تصاویر کی اجازت سے انکار

بھارت  نےگوگل سٹریٹ ویو کے لیے تصاویر لینے کی اجازت دینے سے انکار کر دیا ہے۔
سرکاری خبر رساں ایجنسی پی ٹی آئی کے مطابق وزارت داخلہ نے گوگل کو بتایا ہے کہ بھارت میں گوگل سٹریٹ ویو کی خدمات کو اجازت نہیں دی جا سکتی ۔
بھارتی وزارت داخلہ کا کہنا ہے کہ گوگل سٹریٹ ویو سے ملک کی سلامتی کو خطرہ ہو سکتا ہے۔
گوگل سٹریٹ ویو سڑکوں، عمارتوں، دریاؤں، پہاڑوں اور ایسی جگہوں کو ظاہر کرتا ہے، جنھیں عام طور پر لوگ تلاش کرتے ہیں۔
گوگل سٹریٹ ویو کے لیے ڈیٹا حاصل کرنے پر بھارت سے پہلے بھی  کئی ملک اعتراض کر چکے ہیں۔