ترکی کے شہر استنبول کے بین الاقوامی اتاترک ایئر پورٹ پر دو دھماکوں اور فائرنگ سے کم از کم 28 افراد ہلاک اور متعدد زخمی ہو گئے ہیں۔
دھماکوں کے ساتھ ایئر پورٹ پر فائرنگ بھی ہوئی ہے۔
اطلاعات کے مطابق دھماکوں کے نتیجے میں کم از کم 60افراد زخمی ہوئے ہیں۔
وزیر انصاف نے کہا:’مجھے ملنے والی اطلاعات کے مطابق ایک دہشت گرد بین الاقوامی روانگی کے ٹرمینل میں داخل ہوا اور پہلے کلاشنکوف سے فائرنگ کی اور بعد میں خود کو دھماکے سے اڑا دیا۔‘
عینی شاہدین کے مطابق دھماکوں کے فوری بعد زخمیوں کو وہاں کھڑی ٹیکسیوں کے ذریعے ہسپتالوں میں منتقل کیا گیا۔
کچھ عینی شاہدین کا کہنا ہے کہ فائرنگ ہوائی اڈے کی پارکنگ سے کی گئی۔
ترکی میں کرد علیحدگی پسندوں اور حکومت کے درمیان کشیدگی اور ہمسایہ ملک شام میں جاری تنازع کی وجہ سے پرتشدد واقعات میں اضافہ ہوا ہے۔
رواں ماہ ہی استنبول کے وسطی علاقے میں ہونے والے دھماکے میں کم از کم 11 افراد ہلاک ہوگئے تھے۔
ترکی میں گذشتہ برس سے اب تک جتنے دھماکے ہوئے ہیں ان کی ذمہ داری یا تو کرد ملیشیا یا پھر شدت پسند تنظیم دولت اسلامیہ قبول کرتی رہی ہے
دھماکے کی فوٹیج
