چیئرمین کرکٹ بورڈ شہریار خان نے کہا ہے کہ وزیر اعظم نے انہیں کام جاری رکھنے کے لئے کہا ہے۔
وزیراعظم کی ہدایت مان لی ہے اور اب آئندہ سال اگست تک ذمہ داریاں نبھاتا رہوں گا۔
ویب سائٹ کرک انفو سے بات کرتے ہوئے شہریارخان نے بتایا کہ نوازشریف سے ملاقات میں کرکٹ سے متعلق بات چیت ہوئی۔
انہوں نے کہا کہ نجم سیٹھی پرانے دوست ہیں، مل کر فیصلے کرنے کی کوشش کرتے ہیں، چیئرمین کی حیثیت سے تمام فیصلوں کے ذمہ دار وہ ہیں۔
