بھارتی کرکٹ ٹیم کے سابق کپتان مہندرا سنگھ دھونی کا کہنا ہے کہ پاک بھارت کرکٹ کی بحالی سیاسی اور سفارتی فیصلہ بن چکا ہے۔
بھارتی میڈیا کے مطابق مقبوضہ کشمیر میں لوکل سطح پر ایک میچ کے دوران ایم ایس دھونی نے بطور مہمان خصوصی شرکت کی۔
اس موقع پر میڈیا سے بات کرتے ہوئے ان کا کہنا تھا کہ پاک بھارت کرکٹ صرف کھیل نہیں بلکہ اس سے بڑھ کر کچھ ہے۔ بہتر ہوگا کہ پاک بھارت کرکٹ کی بحالی کا فیصلہ حکومت پر چھوڑ دینا چاہیے۔دونوں ملکوں کے درمیان کرکٹ کی بحالی اب سیاسی اور سفارتی فیصلہ بن چکا ہے۔
مہندرا سنگھ دھونی کا کہنا تھا کہ کھیل کو سیاست سے دور رہنا چاہیے لیکن بھارتی ٹیم کا معاملہ الگ ہے۔
دریں اثنا نیوز ایجنسیز کے مطابق دھونی جب میچ کیلئے گرائونڈ پہنچے تو کشمیری نوجوانوں نے ان کا استقبال ’’بوم بوم آفریدی‘‘ نعروں کے ساتھ کیا۔
