دھرنا مظاہرین نے سابق وزیرداخلہ چودھری نثارکےگھرکا گیٹ توڑدیا جبکہ مشتعل مظاہرین نے چودھری نثار کے گھر سے نکلنے والی بکتر بند گاڑی پرپتھراؤبھی کیا۔
واضح رہے کہ عدالتی احکامات پر اسلام آباد کے علاقے فیض آباد پر 20روز سے جاری دھرنا ختم کرانے کےلیے انتظامیہ صبح سے آپریشن کررہی ہے،پولیس اور مظاہرین کے درمیان جھڑپوں میں ایک پولیس اہلکار شہید جبکہ تصادم کے دوران اہلکاروں سمیت 150سے زائد افراد زخمی ہوچکے ہیں۔
اسلام آباد میں آپریشن کے خلاف مختلف شہروں میں بھی احتجاجی مظاہرے کیے گئے ۔
