لاہورفیملی کورٹ نے اداکارہ میرا کے تکذیب نکاح کیس میں تمام متفرق درخواستیں خارج کردی۔ کیس کی سماعت روزانہ کی بنیاد پر کرنے کا حکم جاری۔
فیملی جج بابر ندیم نے میرا کی تین اور عتیق الرحمٰن کی ایک متفرق درخواست پر محفوظ فیصلہ سناتے ہوئے تمام متفرق درخواستیں مسترد کردیں اور کہا کہ کیس کا فیصلہ 30 دسمبر تک کردیا جائےگا۔
اداکارہ میرا نے ایک شخص عتیق الرحمان سے تکذیب نکاح کا دعوی دائر کررکھا ہے ۔
عدالت کے باہر میڈیا نمائندوں سے بات کرتے ہوئے اداکارہ میرا نے بتایا کہ وہ اب شادی کر لیں گی، اس موقع پر انھوں نے عمران خان کو بھی جمائما سے دوبارہ شادی کا مشورہ دے ڈالا۔