بالی وڈ اداکار شاہد کپور اور کترینہ کیف پہلی بار ہدایت کار شری نارائن سنگھ کی فلم ’بتی گل میٹر چالو‘ میں ایک ساتھ جلوہ گر ہوں گے۔
شاہد کپور کی فلم ’پدماوتی‘ تاحال ریلیز نہیں ہوئی ہے لیکن اس فلم نے ریلیز سے قبل ہی فلم نگری میں ان کی ڈیمانڈ مزید بڑھا دی ہے۔
نامور فلمساز شری نارائن سنگھ نے اپنی نئی فلم میں شاہد کپور کو کام کرنے کی پیش کش کی جسے انہوں نے قبول کرلیا۔
فلم میں شاہد کے مدمقابل اداکارہ کترینہ کیف کو مرکزی کردار کی آفر کی تھی جس پر اداکارہ نے بھی ہاں کردی ہے اور یہ پہلا موقع ہوگا جب دونوں اداکاروں کی جوڑی کسی بھی فلم میں پہلی بار نظر آئے گی۔
دونوں اداکاروں کی جوڑی کی ایک ساتھ پہلی فلم کو ہدایت کار شری نارائن سنگھ ڈائریکٹ کریں گے جب کہ فلم کی شوٹنگ جلد ہی شروع کی جائے گی۔
اداکار شاہد کپور نے بھی دیوالی کے موقع پر اپنی ٹوئٹ میں مداحوں سے نئی آنے والی فلم کا نام شیئر کیا اور ان کی نئی فلم کا ٹائٹل ’’بتی گل میٹر چالو‘‘ ہے۔
Let’s celebrate the festival of light with the hope that soon electricity will be a right and not a privilege for all. #BattiGulMeterChalu #ShreeNarayanSingh @kriarj @TSeries https://t.co/Kdrm9AXRkr
— Shahid Kapoor (@shahidkapoor) October 19, 2017
خیال رہے کہ ان دنوں اداکارہ کترینہ کیف فلم ’ٹائیگر زندہ ہے‘ اور شاہد کپور ’پدماوتی‘ کی شوٹنگ میں مصروف ہیں۔
