دریائے ناف میں روہنگیا مسلمانوں کی کشتی ڈوبنے کے حادثے میں ہلاکتوں کی تعداد 23 ہوگئی ۔
پولیس حکام کے مطابق کشتی ڈوبنے کے حادثے میں تارکین وطنوں کی مزید 9 لاشیں نکالی گئی ہیں۔حادثے میں ہلاک ہونے والوں میں نصف سے زائد تعداد بچوں کی ہے۔
کشتی میں 60 سے 100 روہنگیا مسلمان سوار تھے ، بنگلادیشی کوسٹ گارڈز نے 15 افراد کو بچا لیا تھا۔
واضح رہے کہ گزشتہ روز میانمار سے جان بچا کر بنگلادیش کا رخ کرنے والے روہنگیا مسلمانوں کی کشتی دریائے ناف میں ڈوب گئی تھی۔