مریم نوازکی احتساب عدالت میں متوقع پیشی کے لیے سیکیورٹی انتظامات مکمل کرلیے گئے۔ ذرائع کے مطابق عدالت کے گرد ایک ہزاراہلکار تعینات ہوں گے۔
سیکورٹی کے لیے پولیس اورایف سی تعینات ہوگی تاہم رینجرز موجود نہیں ہوگی۔ ذرائع کا کہنا ہے کہ رینجرز کی طلبی کے لیے پولیس نے اس بار کوئی خط نہیں لکھا ۔
ذرئع نے مزید بتایا کہ احتساب عدالت کے گرد راستے بند ہوں گے جبکہ داخلی راستہ ایک ہی ہوگا، کارکنوں کواحتساب عدالت تک جانے کی اجازت نہیں ہوگی تاہم میڈیا اور وکلا کواحتساب عدالت جانے کی اجازت ہوگی۔
