بھارتی ٹینس اسٹار اور پاکستانی کرکٹر شعیب ملک کی اہلیہ ثانیہ مرزا نے کہا ہے کہ اپنے شوہر کو اب تک صرف چائے بناکر پلائی ہے ،کھانے سے بے پناہ محبت ہے لیکن پکانا نہیں آتا جس کی انہیں بھی شکایت ہے۔
بھارتی میڈیا رپورٹ کے مطابق حالیہ انٹرویو میں ثانیہ مرزا کا کہناتھاکہ اگر وہ ٹینس اسٹار نہ ہوتی تو ڈاکٹر بنتی اورجب بھی کھیلنا چھوڑوں گی تو انٹریئر ڈیزائنر بننا پسند کروں گی۔
انہوں نے انکشاف کیا کہ شادی کے 7 برس میں شوہر کو صرف چائے ہی بناکر دی ہے،مجھے کھانا بنانا نہیں آتا لیکن کھانے سے محبت ہے،ا س بات سے شوہر کو شکایت ہے۔
ثانیہ نے مزید کہا کہ شعیب ملک کے ساتھ ان کا رشتہ باہمی احترام پر مبنی ہے، جس سے تعلقات جاری ہیں، ہم جیسی شخصیات کے بھی عام لوگوں جیسے مسائل ہوتے ہیں،ہر جوڑے کی زندگی میں اتار چڑھائو آتا ہے۔
بھارتی ٹینس اسٹار نے بائیوپک میں کام کے حوالے سے پوچھے گئے سوال پر کہا کہ مجھے ایسا نہیں لگتا ، میں کیمرا فرینڈلی نہیں ہوں ،اداکاری میرے لئے کچھ مشکل ہوگی۔