چین میں ایک نئے قانون کے مطابق اگر کوئی شہری قومی ترانے کو حکومت کی طرف سے مقرر کردہ معيار کے مطابق نہيں پڑھتا، تو اسے جیل بھیجا جا سکتا ہے۔ بيجنگ حکومت نے اس قانون کوگزشتہ روز منظور کيا ہے۔
چين کی سرکاری نیوزايجنسی شنہوا کے مطابق اس قانون کا مقصد يہ ہے کہ قومی ترانے اور اس کی دھن کو درست طور پر استعمال کيا جائے۔ قانون پر عملدرآمد يکم اکتوبر سے شروع ہوگا۔ قبل ازيں اسی ہفتے چينی حکومت نے اعلان کيا تھا کہ جو لوگ قومی ترانے کے الفاظ ميں دانستہ طور پر اور بد نيتی سے ترميم کريں گے، انہيں 15ايام تک کے ليے جيل بھيجا جا سکتا ہے۔
اگرچہ چند ممالک میں فنی سطح پر قومی ترانے ميں ترميم کی گنجائش ہے تاہم چين اس سلسلے ميں سخت موقف رکھتا ہے۔ اس نئے قانون کی منظوری سے ہانگ کانگ ميں تشويش کی لہر دوڑ گئی ہے۔ اس سابق برطانوی کالونی ميں ’پيروڈی‘ کے ذريعے اظہار رائے اور مخالفت عام ہے۔
يہ بھی اہم بات ہے کہ ہانگ کانگ ميں چين کے مقابلے ميں آزادی اظہار رائے کا معيار بہتر ہے۔ تاہم ہانگ کانگ چونکہ بيجنگ کے زير انتظام ہے، وہاں بھی يہ قانون کسی نہ کسی صورت متعارف کرايا جائے گا۔
نئے قانون کے مطابق کسی کی آخری رسومات، کاروباری اشتہاری تقريبات، عوامی مقامات پر پس منظر ميں چلنے والے ميوزک اور ديگر ’غير مناسب‘ سمجھی جانے والی تقريبات پر قومی ترانہ بجانا يا گانا اب ممنوع قرار دے ديا گيا ہے۔
اب ترانہ سياسی اجتماعات، کھيلوں کی تقريبات اور ديگر ’درست‘ قرار ديے جانے والے ايونٹس پر ہی سنا جا سکے گا۔
