بالی ووڈ کی مشہور جوڑی ابھیشیک بچن اور ایشوریا رائے بچن 7 سالوں بعد ایک بار پھر بڑے پردے پر اداکاری کے جلوے بکھیرنے آرہے ہیں۔
اداکارابھیشیک بچن اورایشوریا رائے کا شمار بالی ووڈ کی خوشگوار جوڑیوں میں ہوتا ہے، دونوں کی شادی کو 10 برس گزرچکے ہیں لیکن دونوں آج بھی کسی نئی نویلی جوڑی کی طرح خوش نظر آتے ہیں،حقیقی زندگی میں خوش نظرآنے والی یہ جوڑی متعدد بار ایک ساتھ فلموں میں کام کرچکی ہے جن میں گرو، دھوم2،کچھ نہ کہو، عمراؤجان، سرکارراج، بنٹی اورببلی شامل ہیں جب کہ دونوں نے آخری بار 2010 میں فلم راون میں کام کیا تھا۔