ممبئی میں شدید بارش، عمارت گرنے سے8 ہلاک

ممبئی میں شدید بارشوں کا سلسلہ جاری ہے، موسلادھار بارش کے باعث 5 منزلہ عمارت گر گئی جس سے 8 افراد ہلاک جب کہ متعدد زخمی ہو گئے۔
عمارت گرنے کا واقعہ جنوبی ممبئی کے بائیکلہ کے علاقے میں جی جے روڈ پر صبح پیش آيا جس کے بعد امدادی کارروائیاں شروع کر دی گئیں۔
ممبئی میں پولیس حکام کے مطابق اس واقعے میں ہلاک ہونے والے افراد کی تعداد 8 ہوگئی ہے اور 15 افراد زخمی ہوئے ہیں۔ عمارت کے ملبے تلے 30 افراد پھنسے ہونے کا خدشہ ہے۔
ممبئی میں تین روز سے بارش کا سلسلہ جاری ہے۔ گزشتہ 48 گھنٹوں کے دوران ممبئی میں 200 ملی میٹر بارش ہو چکی ہے جس سے کئی علاقوں میں سیلابی صورت حال ہے۔