لاہور کے مختلف علاقوں میں ویراعظم نواز شریف کے خلاف اور وزیراعلیٰ پنجاب شہباز شریف کے حق میں پراسرار طور پر بینرزآویزاں ہوگئے۔
لاہور کے مختلف مقامات پربینرز آویزاں ہوگئے ہیں جن میں وزیراعظم نواز شریف کو جانے اور وزیراعلیٰ پنجاب کو آنے کی دعوت دی گئی ہے۔
یہ بینرز پریس کلب کی اطراف بھی لگائے گئے ہیں جن پر جانے جانے دو میاں صاحب جانے دو اور آنے دو آنے دو میاں شہباز شریف کو آنے دو کی تحریر لکھی گئی ہے۔
یہ بینرز این جی او پاکستان کے نام سے لگائے گئے ہیں جن پر دو افراد کے موبائل نمبرز پر بھی درج ہیں۔
بینرز پر جو نمبر دیئے گئے ہیں وہ بند ہیں اور ان سے کوئی جواب موصول نہیں ہو رہا۔ تجزیہ کاروں کے مطابق ان بینرز کے ذریعے ن لیگ میں دراڑ ڈالنے کی کوشش کی جا رہی ہے۔