وزیر داخلہ کی پریس کانفرنس ملتوی

وزیر داخلہ چودھری نثار علی خان نے آج ہونے والی پریس کانفرنس ملتوی کر دی۔ ممکنہ طور پر انہیں پریس کانفرنس میں نواز شریف سے علیحدگی اور عہدے سے استعفے کا اعلان کرنا تھا۔
چودھری نثار علی خان کی پریس کانفرنس کو اہمیت دی جا رہی تھی اور ن لیگی رہنماؤں نے ان کی پریس کانفرنس رکوانے اور انہیں منانے کے لئے پورا زور لگایا۔
چودھری نثار کے قریبی ذرائع کے مطابق چودھری نثار نے پریس کانفرنس ملتوی کی ہے اور وہ جلد ہی پریس کانفرنس کریں گے۔
چودھری نثار کمر میں تکلیف کی وجہ سے آج پریس کانفرنس نہیں کر پائیں گے، ڈاکٹرز نے انہیں آرام کا مشورہ دیا ہے۔
صحت بہتر ہونے پر چودھری نثار کل پریس کانفرنس کر سکتے ہیں۔