غیر ت کے نام پر قتل ہونے والی قندیل بلوچ کی زندگی پر مبنی ایک ڈرامہ سیریل بنایا جارہاہے جس کا نام ’باغی‘ہے تاہم اب اس کا پہلا ٹریلر بھی منظر عام پر آ گیاہے ،اس کا لوگ انتہائی بے چینی کے ساتھ انتظار کر رہے تھے تاہم اس میں انٹرنیٹ سینسیشن قندیل بلوچ کا کردار پاکستان کی مایہ ناز اداکارہ صبا قمر ادا کر رہی ہیں ۔تاہم صبا قمر کی اداکاری نے پاکستانیوں کے دل کو چھو لیا ہے اس لیے پہلاٹریلر جاری ہوتے ہی شائقین کی توجہ کا مرکز بن گیاہے ۔
تفصیلات کے مطابق قندیل بلوچ کی زندگی کے اہم واقعات کو اس ڈرامہ سیریل میں دکھایا جائے گا کہ کس طرح قندیل بلوچ جو کہ ایک چھوٹے سے گاﺅں سے تعلق رکھتی ہیں لیکن ا ن کے خواب بہت بڑے ہوتے ہیں اورخوابوں کے آگے گھر والے دیوار کا کردار اد ا کرتے ہیں تاہم وہ کسی طرح شہر پہنچ جاتی ہے اور ماڈلنگ کی دنیا میں قدم رکھ دیتی ہے ۔ڈرامہ سیریل میں نینا کاشف ،شازیہ خان ،علی کاظمی ،عثمان خالد بٹ ،خالد ملک ،سرمد کھوسٹ اور صبافیصل اداکاری کے جوہر دکھاتے نظر آئیں گے ۔ڈرامہ سیریل امید کے مطابق 27جولائی سے باقاعدہ ٹی وی پر چلایا جائے گا ۔