وزیراعظم کی صاحبزادی مریم نواز نے کہا ہے کہ مخالفین کہتے ہیں جے آئی ٹی کے سامنے پیش ہونے کے علاوہ کوئی راستہ نہیں تھا لیکن ہمارے پاس بہت راستے تھے۔
ہم بھی تکنیکی سہارے لے کر چھپ سکتے تھے۔
ہم بھی کمر درد کا بہانہ بنا کر گاڑی کو اسپتال کی طرف موڑ سکتے تھے۔
ہم بھی نتھیا گلی کے سرکاری ریسٹ ہاؤس میں چھپ سکتے تھے۔
وزیراعظم نے مردانہ وار اور شیر کی طرح احتساب کا سامنا کیا۔
اس دن سے خوف کھاؤ جب نوازشریف اپنی کہانی لے کر عوام کے پاس جائے گا۔
انہوں نے کہا کہ نوازشریف کے خلاف جب بھی سازش کی گئی وہ دوبارہ زیادہ طاقت سے سامنے آئے۔
سازشیں کرنے والے سن لیں وہ چوتھی اور پانچویں مرتبہ بھی وزیراعظم بنیں گے۔