لاس ویگاس میں ریپبلکن جماعت کے متوقع صدارتی امیدوار ڈونلڈ ٹرمپ کے ایک انتخابی جلسے کے دوران ایک پولیس اہلکار سے بندوق چھیننے کی کوشش کی پر برطانوی شہری کو گرفتار کیا گیا ہے ۔ اس شخص نے تحقیق کاروں کو بتایا کہ وہ ڈونلڈ ٹرمپ کو قتل کرنا چاہتا تھا۔
مائیکل نے بتایا ہے کہ وہ ٹرمپ کو ہلاک کرنے کیلیفورنیا سے لاس ویگاس آیا تھا۔
یو ایس سیکرٹ سروس کے ایجنٹوں کا کہنا ہے کہ مائیکل سٹیون سٹینفورڈ نے صدارتی مہم کے دوران پولیس اہلکار سے ہتھیار چھیننے کی کوشش کی۔
نیواڈا کی وفاقی عدالتی دستاویزات کے مطابق ’’سٹینفورڈ کا کہنا ہے کہ وہ ایک سال سے ٹرمپ کو قتل کرنے کی کوشش کر رہا ہے اور بالآخر پراعتماد محسوس کرنے کے بعد اس نے اس موقع پر یہ کام کرنے کی کوشش کی۔‘‘
عدالت نے اس کی ضمانت کی درخواست مسترد کر دی گئی۔ عدالت کی طرف سے مقرر کیے گئے وکیل کا کہنا ہے کہ وہ اپنی کار میں ہی رہتا ہے اور اپنے ویزہ کی میعاد ختم ہونے کے بعد غیر قانونی طور پر رہائش پذیر ہے۔
