چیف جسٹس سندھ ہائی کورٹ سجاد علی شاہ کے پراسرار طور پر لاپتہ ہونے والے بیٹے اویس شاہ کا سراغ لگانے کی کوششیں تیز کر دی گئیں ہیں ۔ ایس آئی یو ، اے وی سی سی ، سی پی ایل سی ، ایس ایس یو واقعے کی تفتیش کر ر ہی ہیں۔ تفتیشی ذرائع کے مطابق اویس علی شاہ کا موبائل ریکارڈ حاصل کرلیا گیا ۔ موبائل ریکارڈ سے کوئی مشکوک کال نہیں ملی ۔ اویس علی شاہ نے مختلف اوقات میں اہل خانہ اور دوستوں سے رابطہ کیا ۔ اویس شاہ کا موبائل فون کینٹ سٹیشن کے قریب بند ہوا۔
پولیس کی مختلف ٹیمیں شہرکی مختلف کچی آبادیوں میں سرچ آپریشنز میں مصروف ہیں ۔ شارع فیصل پر ایس ایس یو کمانڈوز نے سرجیکل آپریشن کیا اور ڈرون کیمروں کی مدد سے مشکوک گھروں کی سرچنگ کی۔۔۔تاہم اب تک کوئی سراخ نہیں مل سکا ہے
