اقوام متحدہ کے کمیشن برائے مہاجرین نے کہا ہے کہ دنیا میں جنگوں اور تنازعات کے سبب بے گھر ہونے والے افراد کی تعداد چھ کروڑ پچاس لاکھ سے تجاوز کر گئی ہے۔
ادارے کا کہنا ہے کہ ایک سال کے دوران تارکین وطن‘ پناہ گزینوں یا آئی ڈی پیز کی تعداد میں پچاس لاکھ نفوس کا اضافہ ہوا جس کا مطلب یہ ہے کہ دنیا میں ہر ایک سو تیرہ میں سے ایک شخص بے گھر ہے۔
یون ایچ سی آر کے سربراہ نے پناہ گزینوں کے بحران سے نبرد آزما یورپ میں غیر ملکیوں سے نفرت کوپریشان کن قراردیا جہاں انتہا پسندانہ سوچ اور امیگریشن کی مخالفانہ پالیسیوں کو حمایت ملی ہے۔ مہاجرین کے عالمی دن پر جاری کردہ رپورٹ کے مطابق دنیا بھر میں موجود مہاجرین میں سے نصف شام‘ افغانستان اور صومالیہ کے شہری ہیں۔
