پاکستان کا بھارت سے مذاکرات کا عندیہ

مشیر خارجہ سرتاج عزیز نے ہارٹ آف ایشیا کانفرنس کے موقع پر کہا ہے کہ پاکستان امن کا خواہش مند ہے اور امن کیلئے بھارت سے مذاکرات کیلئے تیار ہے۔
سرتاج عزیز نے یہ پیشکش مقامی اخبار کو انٹرویو دیتے ہوئے کی۔ انہوں نے کہا جب بھی بھارت سے بات ہوگی، دہشت گردی کا موضوع بھی زیر بحث آئے گا۔
دریں اثنا سرتاج عزیز کی بھارتی مشیر برائے قومی سلامتی اجیت دوول سے بھی ملاقات ہوئی ہے۔ دونوں رہنمائوں کے مابین ملاقات میں پاکستان اور بھارت کے درمیان مذاکرات، امن اور تعلقات میں بہتری کے معاملات زیر بحث آئے ہیں۔
سرتاج عزیز نے ہارٹ آف ایشیا کانفرنس کے سلسلے میں جاری ملاقاتوں میں افغان صدر اشرف غنی سے بھی ملاقات کی ہے۔