رجنی کانت دوران شوٹنگ زخمی

بالی ووڈ میں غیر معمولی کرداروں کی بدولت شہرت پانے والے رجنی کانت دوران شوٹنگ زخمی ہوگئے ہیں۔ چنائی میں فلم ٹو پوائنٹ زیرو کی شوٹنگ کے دوران رجنی کانت کے گھٹنے پر چوٹ آئی ہے۔
رجنی کانت ایک سین کی شوٹنگ کیلئے چھلانگ لگا رہے تھے کہ وہ نیچے گر گئے۔ اس کے نتیجے میں ان کے گھٹنے پر چوٹ آئی۔ رجنی کو فوری طور پر ہسپتال منتقل کیا گیا جہاں معمولی مرہم پٹی کے بعد انہیں فارغ کردیا گیا ہے۔
فلم ٹو پوائنٹ زیرو سائنس فکشن فلم ہے۔ اس کی شوٹنگ تیزی سے جاری ہے۔ امید ہے کہ یہ فلم آئندہ برس دیوالی کے موقع پر ریلیز کی جائے گی۔