چارٹرڈ طیارہ کولمبیا میں گرنے سے برازیلی فٹبال کلب کے 9 کھلاڑیوں سمیت 76 افراد ہلاک ہو گئے، طیارہ کھلاڑیوں کو لے کر بولیویا سے کولمبیا جا رہا تھا۔
طیارے میں کریو سمیت 81 افراد سوار تھے، ایک فٹبالر اور 4 دیگر افراد شدید زخمی ہیں جنہیں اسپتال منتقل کر دیا گیا ہے۔ مرنے والوں میں برازیل کی نیشنل ٹیم کا کوئی فٹبالر شامل نہیں۔
حادثہ اس وقت پیش آیا جب جنوبی امریکی ملک بولیویا سے ایک طیارہ کولمبیا جارہا تھا کہ کولمبین شہر میڈلیئن سے 50 کلو میٹر دورپہاڑی علاقے میں گر کر تباہ ہوگیا۔ حادثہ ممکنہ طور پر ایندھن ختم ہونے یا فیول ٹینک میں کسی خرابی کے باعث پیش آیا۔
جائے حادثہ سے لاشیں نکالنے کا سلسلہ جاری ہے، مزید کسی کے زندہ بچنے کی امید نہیں ہے۔ طیارے کو پیش آنے والے حادثے کا پتہ چلانے کے لئے بلیک باکس قبضے میں لے لیا گیا ہے۔
واقعے کے بعد کولمبین حکام نے امدادی ٹیموں کو زمینی راستے سے جائے حادثہ کی جانب روانہ کردیا تھا جب کہ موسم کی خرابی کے باعث فضائی امداد بروقت نہیں بھیجی جاسکی اور کولمبیئن ایئرفورس کو بھی ریسکیومشن منسوخ کرنا پڑا۔