الیکشن کمیشن آف پاکستان نے وزیراعظم نوازشریف اور چیئرمین تحریک انصاف عمران خان کی نااہلی کے لئے دائر کی گئی درخواستیں خارج کردی ہیں۔
نوازشریف اور عمران خان کی نااہلی کی درخواستیں عام شہریوں نے دائر کی تھیں۔
درخواست گزار نے الزام عائد کیا تھا کہ وزیراعظم کے علاج پر کروڑوں روپے سرکاری خزانے سے خرچ کئے گئے جبکہ عمران خان پر شوکت خانم ہسپتال کے فنڈز کو آف شور کمپنیوں میں لگانے کا الزام لگایا گیا تھا۔
الیکشن کمیشن نے عدم ثبوت کی بنا پر درخواستوں کو غیرسنجیدہ قرار دے کر مسترد کر دیا۔
الیکشن کمیشن نے درخواست گزاروں کو ہدایت کی کے وہ سنجیدہ ہیں تو درخواستیں مکمل شواہد کے ساتھ پیش کریں۔