پنجاب کابینہ کے حجم میں اضافہ

پنجاب کابینہ میں شامل 11 نئے وزراء آج اپنے عہدے کا حلف اٹھا رہے ہیں۔ اس سلسلے میں گورنر پنجاب رفیق رجوانہ کی جانب سے نوٹیفیکیشن جاری کر دیا گیا ہے۔
پنجاب کابینہ میں پہلے سے ہی وزراء کی تعداد 20 تھی۔ اب مزید 11 وزراء کے اضافے کے بعد یہ تعداد 31 ہوچکی ہے۔
نئے وزرا میں جہانگیر خانزادہ، نغمہ مشتاق، امانت اللہ خان شادی خیل، خواجہ سلمان رفیق، شیخ علائو الدین، محمد منشااللہ بٹ، مہر اعجاز احمد، سید زعیم حسین قادری، محمد نعیم اختر خان بھابھا، سید رضا علی گیلانی اور ملک احمد یار ہنجرا شامل ہیں۔
اس کے علاوہ صوبائی اراکین اسمبلی ملک محمد احمد خان او رانا محمد اصغر وزیراعلیٰ پنجاب شہباز شریف کے معاون خصوصی ہوں گے۔
خواجہ عمران نذیر، رانا مقبول احمد اور عظیم الحق مشیر ہوں گے۔