نئے آرمی چیف جنرل قمر جاوید باجوہ کا سوشل میڈیا پر کوئی اکاؤنٹ نہیں۔
ڈی جی آئی ایس پی آر لیفٹیننٹ جنرل عاصم سلیم باجوہ نے ٹویٹر پر اپنے پیغام میں واضح کیا کہ فیس بک، ٹویٹر اور دیگر سوشل میڈیا ویب سائٹس پر جنرل قمر جاوید باجوہ سے منسوب تمام اکاؤنٹس جعلی ہیں۔
جنرل قمر جاوید باجوہ 29 نومبر کو پاک فوج کی کمان سنبھالیں گے۔ جنرل ہیڈ کوارٹرز راولپنڈی میں کمان میں تبدیلی کی تیاریاں جاری ہیں اور اس سلسلے میں فل ڈریس ریہرسل کی گئی۔
نئے چیئرمین جوائنٹ چیفس آف اسٹاف کمیٹی جنرل زبیر محمود حیات کی استقبالیہ تقریب پیر کو ہوگی۔ تینوں مسلح افواج کا چاق و چوبند دستہ انہیں سلامی پیش کرے گا۔ تقریب میں تینوں سروسز کے افسر بھی شرکت کریں گے۔