شہباز شریف چیک اپ کیلئے برطانیہ جائینگے

وزیراعلیٰ پنجاب شہباز شریف طبی معائنے کیلئے برطانیہ جائیں گے۔ ترجمان حکومت پنجاب کے مطابق وہ منگل کو برطانیہ روانہ ہوں گے۔
شہباز شریف کو چند روز قبل اچانک سینے میں تکلیف ہوئی تھی جس پر انہیں ہنگامی طور پر اتفاق ہسپتال لایا گیا تھا۔
اطلاعات کے مطابق شہباز شریف کی طبی معائنے کے علاوہ برطانیہ میں انجیوگرافی بھی کی جائے گی۔
شہباز شریف کینسر کے مرض سے نبرد آزما رہے ہیں اور اب وہ ہر سال اپنے معائنے کیلئے برطانیہ جاتے ہیں۔