وزیراعظم نواز شریف سے نامزد آرمی چیف جنرل قمر جاوید باجوہ اور چیئرمین جوائنٹ چیفس آف اسٹاف کمیٹی جنرل زبیر محمود حیات نے الگ الگ ملاقات کی۔
وزیراعظم نواز شریف نے دونوں افسروں کو نئی ذمہ داریوں پر مبارکباد دی۔
دونوں افسروں نے اعتماد کے اظہار پر وزیراعظم کا شکریہ ادا کیا۔
اس سے پہلے وزیراعظم نواز شریف نے دورہ ترکمانستان سے واپسی پر ایوان صدر میں صدر مملکت ممنون حسین سے ملاقات کی۔
وزیراعظم نے نئے آرمی چیف اور چیئرمین جوائنٹ چیفس آف اسٹاف کمیٹی کی تعیناتی پر صدر مملکت کو اعتماد میں لیا۔
وزیراعظم نے صدر مملکت کو اپنے دورہ ترکمانستان پر بھی بریفنگ دی۔
