فیڈل کاسترو انتقال کر گئے

کیوبا کے سابق صدر اور کمیونسٹ پارٹی کے رہنما فیڈل کاسترو انتقال کر گئے ہیں۔ ان کی عمر 90 برس تھی۔
کیوبا کے سرکاری ٹی وی نے ان کی وفات کے حوالے سے تفصیلات فراہم نہیں کی ہیں۔
فیڈل کاسترو نے کیوبا پر تقریباً 50 برس تک حکمرانی کی تھی۔ انہوں نے 2008 میں اقتدار اپنے بھائی رال کو منتقل کردیا تھا۔
فیڈل کاسترو کے چاہنے والوں کا ماننا ہے کہ انہوں نے کیوبا اس کی عوام کو واپس سونپنے میں اہم کردار کیا جبکہ ان پر شدید آمریت اور حزب اختلاف کو سیاست کی اجازت نہ دینے کے سبب تنقید بھی کی جاتی ہے۔