چین میں زیر تعمیر بجلی گھر میں مچان گرنے سے ہلاک ہونے والے افراد کی تعداد 74 ہوگئی ہے۔
چینی صوبے جیان زی میں یہ حادثہ اس وقت پیش آیا جب زیر تعمیر بجلی گھر کے کولنگ سسٹم کا مچان اچانک دھماکے سے گر گیا۔
ہلاک ہونے والے افراد میں سے 68 کی شناخت ہوچکی ہے۔
حادثے کی تاحال اصل وجہ معلوم نہیں ہوسکی ہے۔ مقامی سیفٹی انسپکٹر علاقے کا دورہ کررہے ہیں۔
قبل ازیں بتایا گیا تھا کہ متاثرہ علاقے میں 68 افراد موجود تھے تاہم لاشوں کی زیادہ تعداد کے برآمد ہونے کے باعث یہ خدشہ ظاہر کیا جارہا ہے کہ ملبے تلے زخمیوں کی تعداد میں اضافہ بھی ہوسکتا ہے۔