پاکستان کے پہلے 3 ڈی ٹی ایچ لائسنس 14 ارب 69 کروڑ روپے میں نیلام کر دیئے گئے۔
سب سے زیادہ بولی میگ انٹرٹینمنٹ نے 4 ارب 91 کروڑ روپے لگائی۔
دنیا ٹوڈے کے ذرائع کا کہنا ہے کہ میگ انٹرٹینمنٹ کے پیچھے جیونیوز کا ہاتھ ہے، کچھ حلقوں کی رائے میں یہ دنیا نیوز کے مالک میاں عامر محمود کی ملکیت ہے۔
شہزاد سکائی اسلام آباد نے 4 ارب 90 کروڑ جبکہ سٹار ٹائمز کمیونیکیشن 4 ارب 79 کروڑ روپے کے ساتھ دوسرے اور تیسرے نمبر پر رہیں۔
شہزاد سکائی بول ٹی وی کے چیئرمین شعیب شیخ کی ملکیت ہے جبکہ سٹار ٹائم کی مالک چین کی کمپنی ہے۔
ڈی ٹی ایچ لائسنس کی بولی کا عمل 15 گھنٹے جاری رہا۔ بولی کا آغاز 20 کروڑ روپے سے ہوا تھا۔
Fierce competition continues #PEMRA #DTH pic.twitter.com/BShBXfLOJG
— Report PEMRA (@reportpemra) November 23, 2016
چیئرمین پیمرا کا کہنا ہے کہ بولی سے مجموعی طور پر 14 ارب 69 کروڑ روپے حاصل ہوں گے۔
گیارہ کمپنیوں نےبولی میں حصہ لیا تھا جن میں سے لاہور کی ایک اور اسلام آباد کی 2 کمپنیاں کامیاب رہیں۔
تیسرے نمبر پر بولی دینے والی کمپنی کے ساتھ پہلی دو کمپنیوں کو میچ کر دیا گیا۔ اب ہر لائسنس کی فیس 4 ارب 89 کروڑ 80 لاکھ روپے ہو گی۔
چیئرمین پیمرا ابصار عالم نےکمپنیوں کو مکمل ادائیگی تین قسطوں میں جمع کروانے کی ہدایت کی۔ پہلی قسط 15 فیصد جمع کروانا ہو گی۔ دوسری قسط 35 فیصد جبکہ بقیہ 50 فیصد ایک ساتھ ادائیگی کرنا ہوگی۔
تینوں کامیاب کمپنیوں کو لائسنس حاصل کرنے سے پہلے وزارت داخلہ سے سیکورٹی کلیئرنس لیں گی
دسمبر2017ء تک ڈی ٹی ایچ سروس کو فنکشنل کرنے کی پابند ہوں گی۔
