آرمی چیف جنرل راحیل شریف کی الوداعی ملاقاتوں کا سلسلہ جاری ہے۔
بدھ کو جنرل راحیل نے کراچی میں کور ہیڈ کوارٹرز اور رینجرز ہیڈ کوارٹز کا دورہ کیا۔
آرمی چیف نے کراچی اور اندرون سندھ امن و امان کی صورتحال بہتر بنانے پر کور اور رینجرز کو خراج تحسین پیش کیا۔
اس موقع پر جوانوں سے خطاب کرتے ہوئے جنرل راحیل نے کہا کہ کراچی میں زندگی لوٹ آئی ہے۔ شہر کی معاشی سرگرمیاں قومی معیشت میں اپنا حصہ ڈال رہی ہیں۔
جنرل راحیل کا کہنا تھا کہ کراچی کے خلاف ملک دشمنوں کی کوئی سازش کامیاب نہیں ہونے دیں گے اور نہ ہی کراچی آپریشن کے ثمرات ضائع ہونے دیں گے۔