وزیر اعلیٰ پنجاب شہباز شریف کو دل کی تکلیف کے باعث اسپتال داخل کرایا گیا ہے، ڈاکٹروں نے ان کے مختلف ٹیسٹ لئے ہیں۔
شہباز شریف اپنے گھر میں موجود تھے جب ان کے بائیں کاندھے میں تکلیف ہوئی، انہیں فوری طور پر لاہور میں اتفاق اسپتال منتقل کر دیا گیا۔
ڈاکٹروں کے مطابق شہباز شریف کو ممکنہ طور پر دل کی تکلیف ہوئی ہے، ٹیسٹس کے نتائج آنے کے بعد ہی حقیقت کا علم ہو گا۔ وزیر اعلیٰ پنجاب کو اس سے قبل کبھی دل میں تکلیف نہیں ہوئی۔
وزیر اعلیٰ پنجاب گاڑی سے اترنے کے بعد خود چل کر اسپتال کے اندر گئے جس پر ڈاکٹرز نے ناراضی کا بھی اظہار کیا۔