پشاور کے علاقے بشیر آباد میں سڑک کنارے نصب بم کے دھماکے میں فرنٹیئر کانسٹیبلری کے 3 اہلکار جاں بحق اور 8 زخمی ہوگئے۔
پولیس حکام کے مطابق ایف سی اہلکار اپنی گاڑی کے قریب کھڑے تھے جب دھماکا ہوا۔
دہشت گردوں نے ایک کلوگرام بارودی مواد سڑک کنارے نصب کررکھا تھا جسے ریموٹ کنٹرول کے ذریعے اڑایا گیا۔
پولیس حکام کے مطابق ایف سی اہلکار امام حسین کے چہلم کے موقع پر سیکورٹی فرائض انجام دینے کے بعد واپس جارہے تھے جب انہیں نشانہ بنایا گیا۔