عراق کے شہر عامریہ ال فلوجہ میں خودکش کار بم حملے میں 40 افراد ہلاک ہوگئے جبکہ 60 سے زائد زخمی ہیں۔
حملہ آور نے پولیس افسر کی شادی کی تقریب کو نشانہ بنایا۔
ابھی تک کسی گروپ نے حملے کی ذمہ داری قبول نہیں کی۔
پولیس نے امکان ظاہر کیا ہے کہ اس خودکش دھماکے میں شدت پسند تنظیم داعش ملوث ہے۔
فلوجہ سے 35 کلومیٹر جنوب میں واقع عامریہ ال فلوجہ حکومت کے حامی سنی قبائلی جنگجوؤں کا گڑھ ہے۔
اس سال جون میں داعش کو فلوجہ سے نکالا گیا تھا۔ موصل عراق میں داعش کا آخری مضبوط گڑھ ہے جسے چھڑانے کے لیے لڑائی جاری ہے۔
