چیئرمین تحریک انصاف عمران خان کا کہنا ہے کہ انہوں نے ترک صدر کا نہیں نواز شریف کا بائیکاٹ کیا تھا کیونکہ وہ انہیں وزیراعظم تسلیم نہیں کرتے۔
عمران خان نے پاناما لیکس کیس میں سپریم کورٹ کی کارروائی پر اطمینان کا اظہار کرتے ہوئے کہا کہ عدالت میں چیف ایگزیکٹو کا احتساب ہورہا ہے۔ اس کیس سے پاکستان کی تاریخ بدل جائے گی۔
چیئرمین تحریک انصاف نے کہا کہ نواز شریف نے سپریم کورٹ میں جو بیان دیا اس میں تضاد ہے۔ قطری شہزادے کے خط سے کئی باتیں نکلیں گی۔ ہمارا اصل کیس وزیراعظم کا جھوٹ پکڑنا ہے۔
عمران خان نے حکومتی وزراء پر تنقید کرتے ہوئے کہا کہ سپریم کورٹ میں ایک خاندان کا کیس چل رہا ہے حکومت کا نہیں۔ جمہوریت میں وزراء کا کام کسی خاندان کی کرپشن کا دفاع کرنا نہیں ہوتا۔
