پاکستان اور نیوزی لینڈ کے درمیان پہلا ٹیسٹ جمعرات کو شیڈول کے مطابق کرائسٹ چرچ میں کھیلا جائے گا۔
نیوزی لینڈ کرکٹ کے جاری کردہ بیان کے مطابق زلزلے کے باوجود میچ کے شیڈول یا مقام کی تبدیلی نہیں کی جارہی۔
اتوار کو نیوزی لینڈ میں 7.8 شدت کا زلزلہ آیا تھا جس کے بعد ساحلی علاقے سے سونامی کی لہریں بھی ٹکرائیں۔ اس کے بعد 6.8 شدت کا آفٹر شاک بھی محسوس کیا گیا۔
پاکستان کی کرکٹ ٹیم زلزلے کے وقت نیلسن میں تھی اور پیر کو کرائسٹ چرچ پہنچی ہے۔ منگل کو ٹیم پریکٹس کرے گی۔
پاکستانی ٹیم نیوزی لینڈ کے خلاف سیریز کے بعد آسٹریلیا کے دورے پر جائے گی۔