بلوچستان ہائیکورٹ میں سانحہ 8 اگست سے متعلق جوڈیشل کمیشن کی سماعت کے موقع پر ماسٹر مائنڈ کی گرفتاری سے متعلق بیان کی وضاحت نہ ہونے پر کمیشن نے برہمی کا اظہار کیا ہے ۔
جسٹس قاضی فائز عیسیٰ کا کہنا ہے کہ اگر اس حوالے سے واضح نہیں کیا گیا تو وزیر اعلیٰ کو طلب کر لونگا انہیں استثنیٰ حاصل نہیں ۔
بلوچستان ہائیکورٹ میں سانحہ 8اگست سے متعلق جوڈیشل کمیشن کی سماعت جسٹس قاضی فائز عیسیٰ کر رہے ہیں ۔
جسٹس قاضی فائز عیسیٰ نے استفسار کیا کہ وزیر اعلیٰ کہاں ہیں کیونکہ جب تک وہ خود اس بیان وضاحت نہیں کریں گے کنفیوژن برقرار رہے گی ، یہاں وزیراعلیٰ کچھ ان کے ترجمان کچھ اور ڈی آئی جی پولیس کچھ اور ہی کہہ رہے ہیں ۔ایسی صورتحال میں رپورٹ میں لکھیں گے ۔ عدالت نے حکم دیا کہ فوری طور پر ماسٹر مائنڈ کی گرفتاری سے متعلق موقف کو واضح کرنے کی ہدایت کی گئی ۔
کمیشن میں سول اسپتال کے چیف میڈیکل آفیسر کا بیان بھی ریکارڈ کیا گیا۔
