ینگ ڈاکٹرز نے انتظامیہ سے کامیاب مذاکرات کے بعد مال روڈ پر چار روز سے جاری دھرنا ختم کردیا۔انتظامیہ کی جانب سے چیف ایگزیکٹو میواسپتال پروفیسر اسد اسلم ینگ ڈاکٹرز سے مذاکرات کرنے پہنچے جہاں انہوں نے ینگ ڈاکٹرز کو دھرنا ختم کرنے پر راضی کر لیا۔
میڈیا سے گفتگو میں پروفیسر اسد اسلم کا کہنا تھا کہ ینگ ڈاکٹرز کا بڑا مسئلہ سیکیورٹی کا تھا جو حکومت نے حل کردیا ہے۔ ینگ ڈاکٹرز کو مکمل تحفظ فراہم کیا جائے گا۔
اس موقع احتجاجی ڈاکٹرز کا کہنا تھا کہ پروفیسر اسد اسلم ان کے لیے قابل قدر استاد ہیں۔ ان کا احترام کرتے ہوئے دھرنا ختم کرنے کا فیصلہ کیا۔
حکومت نے ینگ ڈاکٹرز کا آئے روز دھرنا ختم کرنے کا مستقل حل کرنے کےلئے پروفیسر اسد اسلم کو بطور چیف ایگزیکٹو میو اسپتال تعینات کیا تھا۔ حکومتی کی پالیسی کامیاب رہی اور ینگ ڈاکٹرز کا کوئی بھی مطالبہ نہیں مانا گیا لیکن دھرنا ختم ہو گیا۔
