بھارتی شہر راج کوٹ میں سیریزکا پہلا ٹیسٹ بدھ کو شروع ہوگا ۔الیسٹر کک کی قیادت میں انگلش ٹیم جورواں برس سب سےزیادہ12 ٹیسٹ کھیل چکی ہے ۔
آئندہ 6 ہفتوں میں مزید 5 ٹیسٹ کھیلے گی۔یہ 29 سال بعد بھارت میں کھیلی جانے والی 5 میچز کی پہلی سیریزہوگی۔
پہلے ٹیسٹ میں شرکت کرکے31سالہ الیسٹر کک انگلینڈکی جانب سے سب سےزیادہ میچز میں کپتانی کا ریکارڈ بنائیں گے ۔کک 54 ٹیسٹ میچز میں ٹیم کی قیادت کر کے مائیک ایتھرٹن کا ریکارڈ بربر کر چکے ہیں۔
سب سےزیادہ 24میچزمیں فتح حاصل کرنے والے کک کی بطور کپتان آخری سیریزبھی ہوسکتی ہے۔ سیریزسے قبل وہ کپتانی چھوڑکر بیٹسمن کے طور پر کھیلنے کا عندیہ دے چکے ہیں۔بائیں ہاتھ کے اوپننگ بلے باز الیسٹر کک زیادہ رنزاور سنچریزبنانے کا کارنامہ بھی انجام دے چکے ہیں۔