لیبر پارٹی کی خاتون رکن پارلیمان جُو کوکس اپنے انتخابی حلقے میں گولیاں لگنے سے شدید زخمی ہو گئی تھیں، جنہیں بعد میں ہیلی کاپٹر کے ذریعے ان کو ہسپتال پہنچایا گیا لیکن وہ زخموں کی تاب نہ لا سکیں اور ہلاک ہو گئیں۔ باون سالہ حملہ آور کو گرفتار کر لیا گیا ہے۔ برطانوی وزیر اعظم نے جوکوکس پر حملے کے بعد ہی جبرالٹر کا طے شُدہ دورہ ملتوی کردیا تھا۔
عینی شاہدین کے مطابق ملزم نے حملے سے پہلے ’برطانیہ‘ سب سے پہلے کا نعرہ لگایا تھا۔ جو کوکس برطانیہ کے یورپی یونین کے رکن رہنے کے حق میں تھیں اور اسی سلسلے میں مہم چلا رہی تھیں۔
یورپی عوام اگلے ہفتے ریفرنڈم کے ذریعے یہ فیصلہ کریں گے کہ آیا برطانیہ یورپی اتحاد میں شامل رہے یا نہیں۔
کیمرون کے جبرالٹر کے دورے کے منصوبے پر اسپین نے ناراضگی کا اظہار کیا تھا۔
