ہیکرز نے ڈیموکریٹ پارٹی کی انتخابی مہم پر سائبر حملے مزید تیز کردیئے ہیں۔
اب ہیکرز نے ڈیموکریٹک صدارتی امیدوار ہلیری کلنٹن کا کمپیوٹر نیٹ ورک ہیک کر لیا ہے۔
گزشتہ ہفتے ہیکرز نے ڈیموکریٹک نیشنل کمیٹی کا سسٹم ہیک کرکے ای میلز چرا لی تھیں۔
نیشنل کمیٹی ڈیموکریٹک امیدواروں کے لیے فنڈ اکٹھا کرنے کا کام کرتی ہے۔
ہیلری کلنٹن کے انتخابی مہم کے ترجمان کے مطابق ہیکرز نے ڈیموکریٹک نیشنل کمیٹی کے ڈیٹا پروگرام اور انتخابی مہم کے کمپیوٹر سسٹم کو ہیک کرنے کی کوشش کی۔ امریکی حکام کے مطابق ان سائبر حملوں کے پیچھے روسی ہیکرز ہیں۔