دنیا کے سب سے مہنگے کھلاڑی گیرتھ بیل اپنی کارکردگی کے زور پر ویلز کو پچاس برسوں بعد یورو کپ میں لے گئے ہیں۔ ریال میڈرڈ نے تین برس قبل گیرتھ بیل کو 100 ملین ڈالر کے عوض انگلش کلب ٹوٹنہم سے خریدا تھا۔
سویڈن کے کپتان زلتان ابراہیمووچ نے اپنی قومی ٹیم کے یورو کپ کے لیے کوالیفائی کرانے میں بہت اہم کردار ادا کیا۔وہ اپنے گروپ سے اگلے مرحلے میں پہنچنے کے لیے ٹیم کی واحد امید سمجھے جارہے ہیں
اسپین کو ورلڈ کپ اور یورپ میں چیمپئن بنانے میں مڈ فیلڈر آندرے انیسٹا کا کردار ہے ۔ اسپین یورو چیمپئین میں ان ہی پر انحصار کررہی ہے
تجزیہ کا ر میزبان فرانس کو یورو کپ کی فیورٹ ٹیم قرار دے رہے ہیں۔ فرانس کی فتح کا انحصار مڈ فیلڈر پال پوگبا کی کارکردگی پر ہو گا۔
یورو میں انگلینڈ کی امید یں اسٹرائیکر جیمی وارڈی سے وابستہ ہیں۔
عالمی چیمپئین جرمنی کو مڈ فیلڈر میسو اوزل سے بہت توقعات ہیں۔
سوئٹزرلینڈ کی ٹیم کی کارکردگی کا دارومدار مڈ فیلڈر زردان شکیری پر ہو گا۔
پرتگال کی ٹیم کرسٹیانو رونالڈو کی طرف دیکھ رہی ہے۔
پولینڈ کےاسٹرائیکر رابرٹ لیوانڈسکی کا شمار یورپ کے بہترین کھلاڑیوں میں ہوتا ہے۔ انھوں نے رواں سیزن میں جرمن کلب بائرن میونخ کی جانب سےکھلیتے بندس لیگا میں سب سے زیادہ گول سکور کیے۔
