ریو اولمپکس کی مشعل کا ان دنوں برازیل میں سفر جاری ہے۔
ماراکاہو نامی قصبے میں جب اولمپک مشعل پہنچی تو ایک شخص نے پانی کی بالٹی ڈال کر اسے بجھانے کی کوشش کی۔
پولیس نے 27 سالہ شخص کو موقع پر سے گرفتار کرلیا۔ پبلک پراپرٹی کو نقصان پہنچانے کے جرم میں ملزم کو چھ ماہ سے تین سال تک قید کی سزا ہوسکتی ہے۔
پولیس حکام کے مطابق ملزم نے اس کام کو ایک مذاق قرار دیا ہے جس کی اس نے دوستوں کے ساتھ شرط لگارکھی تھی۔
ملزم کو ضمانت پر رہائی مل چکی ہے۔
مقامی اولمپک کمیٹی کی جانب سے اس واقعہ پر ابھی کوئی ردعمل نہیں دیا گیا۔